Breaking News :
Police GBV
Home » News » Dikgang » Mookamedi wa marekisetso o ikgapetse botshelo

Mookamedi wa marekisetso o ikgapetse botshelo

Mogolwane wa mapodisi kwa Serowe, Superintendent Poloko Oteng, a re monna mongwe wa letso la India o ikgapetse botshelo beke ee fetileng.

Superintendent Oteng a re rre yo o dingwaga tse di masome mane le bosupa e ne e le mookamedi wa marekisetso a Knock Out cash and carry kwa Serowe.

A re monna yo o dirisitse kgole go e ikgapela botshelo.

O supile fa ba ne ba mo isa kwa kokelong ya Sekgoma Memorial kwa ba bongaka ba neng ba rurifatsa fa a sa tlhole a le mo botshelong.

A re moswi ga a tlogela sepe go supa gore o ka tswa a tshwentswe ke sengwe gore a ikgapele botshelo. Superintendent Oteng a re learo (post mortem) le setse le dirilwe le moswi o setse a roletswe ba ga bone fa ditlhotlhomiso di tsweletse.

A re e ke tiragalo ya borataro mo kgaolong ya gagwe fa e sale ngwaga o simologa mme e diragalela borre fela. BOKHUTLO

Source : BOPA

Author : Chendzimu Mbaeva

Location : SEROWE

Event : leso

Date : Sep 06 Sun,2020

Networks

Social Network