Sunday Jul 22,2018
Breaking News :
World Cup Begins
Home » News » Dikgang » Mapodisi a mo patlong ya mmangwana

Mapodisi a mo patlong ya mmangwana

 Mapodisi a Maun a tlhotlhomisa kgang e mo go yone lesea le le belaesegang le na le letsatsi le tshotswe le neng la fitlhelwa mo ntlwaneng ya boitiketso kwa kgotleng ya Sedie.

Mo potsolotsong le BOPA, mookamela mapodisi a Maun, Superintendent Motlhaba Ramaabya o boletse fa tiragalo eo e ne ya begelwa mapodisi ke rre wa dingwaga tse di masome mabedi le borataro ka nako ya borataro tshokologo.

Rre Ramaabya o tlhalositse fa rre yoo a ne a iketlile le mokapelo wa gagwe kwa ntle ga ntlo fa ba tlaa utlwa selelo sa ngwana yoo se kueletsa go tswa ntlwaneng ya boitiketso mme ba tsibosa mapodisi.

O tlhalosa fa mapodisi a ne a tabogela kwa lefelong la tiragalo ba na le ba thuso ya potlako (MedRescue) le ba ba timang melelo kwa ba fetileng ba kgona go ntsha lesea leo le santse le tshela.

O ne a tlhalosa fa lesea leo le ne la ragosediwa kwa kokelong ya Letsholathebe. 

Rre Ramaabya a re e le mapodisi ba ikuela mo setshabeng go ba batlisa mmaagwe lesea leo. BOKHUTLO

Source : BOPA

Author : Tshepo Botshelo

Location : MAUN

Event : Potsolotso

Date : Dec 06 Wed,2017

Networks

Social Network