QKJ passing
Wednesday Dec 13,2017
Breaking News :
Daily BOT50 celebration
Home » News » Dikgang » Go tlotla bagolo go botlhokwa

Go tlotla bagolo go botlhokwa

Motshwarelela bogosi jwa Batawana, Kgosi Kealetile Moremi, a re go supa tlotlo le lorato mo matlhogotshweung ke go ikokeletsa malatsi ka jaana e e le bone ba dirileng gore lefatshe leno le bo le le teng e bile le bidiwa Botswana. Kgosi o buile jalo kwa dijong tsa motshegare tsa Botsalo jwa Morena, tse di neng di diretswe magosi a motse wa Maun kwa holong ya sekole se segolwane sa Tsodile mo bosheng ke ba mokgatlho wa Sekeresete wa Aglow International.

 A re Setswana sa re tlotla mmago le rrago gore malatsi a gago a botshelo a okediwe. O tlhalositse gore bagodi bangwe ba godile mo ka se keng ba tlhola ba itirela sepe bangwe ba latlhegetswe ke ba masika le bana ba bone mme ga ba sa tlhole ba bona gope sebaka sa go ipelela malatsi a Botsalo jwa Morena. Mme Moremi o ne a galaletsa ba mokgatlho oo thata, ka mowa wa bone wa go ithaopela go direla bagolo. 

Mongwe wa maloko a mokgatlho oo Mme Beauty Bagwasi, a re mokgatlho oo o simolotse kwa mafatsheng a sele ka dingwaga tsa bo1967 o simololwa ke bomme, tota thito ya kgang e le gore ba ikopanye go thusa botlhoki go godisetsa bana mo tumelong. Kgosana ya boseja kwa Maun Rre Kegaisamang Ramokwena, o ne a akgola batho ba mokgatlho oo, a re ba kgonne seo ka tlhotlheletso ya mowa o o boitshepo. O ne a lebogela le bagodi go tla ka bontsi kwa moletlong oo. ENDS

Source : BOPA

Author : Onalenna Mokhawa

Location : MAUN

Event : Bokopano

Date : Dec 24 Mon,2012

Networks

Social Network